من طرف كنت مديوناَ الثلاثاء أبريل 07, 2009 2:57 pm
صلبتك ربي الحبيبصلبتك ربي الحبيب وبعت الدم الثمين
صلبت الحب والحنان واشتريت بتمنه بستان
عملت منه قبر ومكان يسكن فيه ملك الزمان
بشوية فضه بعتك للشيطان علشان يصلبك
مهمنيش كلام ولا اي انسان وبعت رب الانام
بعته بشهوة ورزيله وجلدت اللي وهبني حياة جميلة
بعته من غير تفكير في مستقبلي والمصير
هو اداني حياة وامال وانا قلبي حجر اقوى من الجبال
صلبت اصل الفرحة فيا واتمسكت بحياة مادية
ملهاش طعم ولا لون وبقى كل شيئ عندي بيهون
يهوذا ده باعك مرة وانتحر بس انا كل يوم بنتحر
كل يوم ببيعك بالفضة ومش مدي لحياتي فرصة
اعرف فيها اللي فداني بدمه واداني اعز ما عنده
كلماتي بقت اهات وانين وحياتي مرميه في الطين
مش لاقي فرح ولا سعادة واقل حاجة بقت محالة
بس عندي امل تسامحني وبحبك وعطفك تغمرني
ربي انا الضعيف فأرحمني
اذكروني في صلواتكم انا الضعيف
